ShQO-da gaz stansasyndaǵy jarylys: Jaraqat alǵan taǵy eki adam aýrýhanaǵa jatqyzyldy

ÓSKEMEN. QazAqparat – Shyǵys Qazaqstan oblysynda gaz quıý stansasyndaǵy jarylystan taǵy eki adam zardap shekken, dep habarlaıdy QazAqparat tilshisi.

Shemonaıha qalasynda gaz quıý stansasynda bolǵan jarylystan eki adam kúıip qalǵany habarlanǵan edi.

Endi jarylystan taǵy eki azamattyń zardap shekkeni anyqtalyp otyr.

ShQO densaýlyq saqtaý basqarmasy baspasóz qyzmetiniń málimetine súıensek, qazirgi ýaqytta tórteýi de aýrýhanaǵa jatqyzylǵan.

«Zardap shekken eki er adam aýyr halde jansaqtaý bóliminde jatyr. Al deneleriniń 15-20%-yn kúıik shalǵan er adam men áıel hırýrgııalyq bólimshege jatqyzyldy, olardyń jaǵdaıy ortasha aýyr dep baǵalanyp otyr», - delingen aqparatta.

Naýqastarǵa barlyq qajetti medıtsınalyq kómek kórsetilip jatyr. Aýrýhanada qajetti dári-dármek qory jetkilikti.

Sonymen qatar atalǵan naýqastardy emdeýge kómek kórsetý úshin ShQO-nyń bas travmatology men bas reanımatology bastaǵan sanıtarlyq avıatsııa brıgadasy Óskemennen Shemonaıha qalasyna keldi.