ShQO-da gaz ballonynyń jarylýynan úsh adam zardap shekti - TJM
ASTANA. Qańtardyń 22-si. QazAqparat - Shyǵys Qazaqstan oblysynda jeke sektordaǵy turǵyn úıde gaz ballonynyń jarylýynan úsh adam jaraqattanyp, aýrýhanaǵa jetkizildi,
dep habarlaıdy QR TJM-nyń baspasóz qyzmeti.
Qańtardyń 21-i kúni tańerteń ShQO, Glýbokıı aýdanyndaǵy Kojohov aýylynda «jer úıde» gaz ballony jarylyp, onyń saldarynan 6 sharshy metr aýmaqta úıdiń tóbesi men qabyrǵasy janǵan.
Kúıik jaraqattaryn alǵan úsh adam, onyń ishinde 14 jastaǵy jasóspirim aýrýhanaǵa jetkizildi.
Órt ShQO TJD-nyń órtke qarsy qyzmetiniń kúshimen aýyzdyqtaldy.
