ShQO-da frantsýzdyq kompanııalarmen áriptestik kúsheıtilmek
ÓSKEMEN. KAZINFORM - Shyǵys Qazaqstan oblysynyń ákimi Ermek Kósherbaev «Airbus», «Aubert&Duval» jáne «UKAD» avıakontserni sııaqty iri frantsýzdyq kompanııalardyń ókilderimen kezdesti.
Kezdesýge «Airbus» kompanııasynyń materıaldar men bólshekterdi satyp alý jónindegi aǵa vıtse-prezıdenti Domınık Arnal, kompanııanyń metall materıaldardy satyp alý jónindegi vıtse-prezıdenti Olıve Maııar, kontsernniń tıtan, bolat jáne arnaıy qorytpalardy satyp alý bóliminiń bashysy Jan Benýa Ferrı, tıtandy jetkizý tizbeginiń sapa bóliminiń basshysy Mıýrıel Bragard, «Aubert&Duval» kompanııasynyń prezıdenti Brýno Dıýran jáne «UKAD» kompanııasynyń bas dırektory Jan Fransýa Jıýrı jáne Dırektorlar keńesiniń tóraǵasy Sılvan Geler qatysty.
«Sondaı-aq jıynda Óskemendegi tıtan-magnıı kombınatynyń prezıdenti Ásem Mamýtova boldy. Airbus – jolaýshylarǵa arnalǵan, júk tasymaldaıtyn jáne áskerı ushaqtardy shyǵaratyn álemdegi alpaýyt avıatsııa kompanııalarynyń biri jáne «Óskemen tıtan-magnıı kombınaty» (ÓTMK) AQ úshin asa mańyzdy strategııalyq seriktes. Aubert&Duval – bolat, tıtan jáne alıýmınıı sýperqorytpalaryn óndirýshi biregeı kompanııa. Álemdik tıtan naryǵyndaǵy jetekshi kásiporyndardyń qataryna enetin «ÓTMK» AQ atalǵan kompanııamen 15 jyldan astam ýaqyt yntamaqtastyq ornatyp, birigip jumys atqaryp keledi. Qos taraptyń birlesken jumysynyń nátıjesinde Frantsııanyń Lez-Ansız qalasynda UKAD kásiporny qurylǵan. Qazaqstandyq tıtandy óndiriske paıdalanatyn «UKAD» BK zaýyty 2011 jyly ónerkásiptik paıdalanýǵa berilgen», - dep habarlady oblys ákimdiginen.
Kezdesýde Airbus, Aubert&Duval, UKAD jáne «ÓTMK» AQ arasyndaǵy strategııalyq áriptestik máseleleri talqylandy. Taraptar ózara yntymaqtastyqty keńeıtýge, qazaqstandyq tıtandy satyp alý kólemin ulǵaıtýǵa, Qazaqstanda tıtan ónimin óndirýdi oqshaýlaý múmkindigin qarastyrýǵa múddeli ekenin tanytty.
