ShQO-da fıtnes ortalyqtar men jattyǵý zaldary qaıta ashylady
ShQO Bas memlekettik sanıtarlyq dárigeri mindetin atqarýshy jańa qaýly jarııalady. Onda jazylǵandaı óńirde maska rejımi men vırýs juqtyrǵan naýqastardyń ózin-ózi oqshaýlaýyn baqylaý kúsheıtiledi.
«Turǵyndar ashyq aýada (kóshede, úıden tysqa shyqqanda), qoǵamdyq oryndarda, onyń ishinde avtobýs aıaldamasynda, halyqtyń kelýine, qyzmet kórsetýine jáne demalýyna arnalǵan jabyq úı-jaılarda, sondaı-aq qyzmeti ruqsat etilgen obektilerde, qoǵamdyq kólikte, sonyń ishinde taksıde maska taǵýy qajet», - delingen qujatta.
Koronavırýs ınfektsııasyna shaldyqqan adamdar karantın jaǵdaıynda bolǵan kezinde vırýs juqtyrmaý maqsatynda ózge adamdarmen qarym-qatynas jasamaýǵa, medıtsınalyq qyzmetkeriniń kelisiminsiz úıden shyǵyp ketpeýge, jaqyn baılanysta bolǵan adamdar tobyn anyqtaý úshin qajetti aqparatty usynýǵa, óziniń densaýlyq jaǵdaıynyń ózgerýi týraly medıtsına qyzmetkerin dereý habardar etýge mindetti.
«Fıtnes ortalyqtarynyń, jattyǵý zaldary men sport keshenderiniń jumysyna tyıym salý týraly taraý alynyp tastaldy. Bul nysandar demalys jáne mereke kúnderin qospaǵanda aldyn ala jazylý arqyly ǵana jumys isteıdi», - delingen qaýlyda.