ShQO-da esirtkige qarsy Clean Streets qosymshasy iske qosyldy
ASTANA. KAZINFORM – Shyǵys Qazaqstan oblysynda esirtki qylmysyna qarsy kúreske baǵyttalǵan «Clean Streets» mobıldi qosymshasy iske qosyldy.
Joba oblys prokýratýrasynyń bastamasymen, Tsıfrlandyrý basqarmasy jáne Oskemen Hub-pen birlesip «Codemasters Hackathon 4.0» IT-marafony aıasynda ázirlengen.
– Bul bastama buǵan deıin iske qosylǵan «STOP esirtki!» jobasynyń tsıfrlyq jalǵasy bolyp tabylady. Qosymsha turǵyndarǵa esirtkige qatysty quqyqbuzýshylyqtar týraly jedel ári qaýipsiz habarlaýǵa múmkindik beredi, – delingen habarlamada.
Qosymsha arqyly paıdalanýshylar esirtki graffıtıleri, «betbelgiler» (zakladkalar), sondaı-aq yqtımal taratý oryndary men kúdikti áreketter týraly aqparat bere alady.
Júıeniń negizgi ereksheligi – qupııalylyq. Azamattar geolokatsııany kórsetip, fotoaıǵaqtardy tirkeı otyryp, málimetterdi anonımdi túrde jibere alady. Rastalǵan aqparat úshin «STOP esirtki!» jobasy aıasynda aqshalaı syıaqy qarastyrylǵan.
Joba óńir turǵyndaryn esirtki qylmysyna qarsy kúreske tartýǵa jáne qoǵamdyq qaýipsizdikti arttyrýǵa baǵyttalǵan.
Aıta keteıik, Clean Streets qosymshasy árbir azamatqa kóshelerdi esirtkiden tazartýǵa óz úlesin qosýǵa múmkindik beredi.
Búgin eki óńirde 45 myń dozaǵa teń esirtki tárkilendi.
