ShQO-da esirtki saqtaǵany úshin 10 jylǵa sottalǵan eki adamdy apellıatsııalyq sot aqtap aldy
ÓSKEMEN. KAZINFORM – Shyǵys Qazaqstan oblysynda esirtki saqtaǵany úshin 10 jylǵa sottalǵan eki adam apellıatsııalyq shaǵym túsirip, aqtalyp shyqty.
ShQO soty baspasóz qyzmetiniń málimetine súıensek, P. esimdi er adam men I. esimdi áıel QR QK-niń 297-baby 3-bóligimen (esirtki men psıhotroptyq zattardy ótkizý maqsatynda asa iri mólsherde zańsyz saqtaý) sottalǵan bolatyn.
Olarǵa 10 jylǵa bas bostandyǵynan aıyrý jazasy taǵaıyndalǵan. Alaıda aıyptalýshylar bul sheshimmen kelispeı, apellıatsııalyq shaǵym túsirdi.
«Anyqtalǵandaı, páter men garajdy tintý kezinde tergeýshiniń qasynda kýágerler bolmaǵan. ıAǵnı, psıhotroptyq zattar tabylǵan kezde tergeýshi ishte jalǵyz bolyp, óz áreketterin beınekameraǵa túsirmegen. Sondaı-aq saraptama nátıjesinde tárkilengen zattardan P. men I.-diń bıologııalyq izderi tabylmady», - delingen aqparatta.
Sondyqtan apellıatsııalyq sot aıyptalýshylardyń kinási dáleldenbedi dep tanyp, olardy aqtap shyǵardy.
Eske salsaq, osyǵan deıin ShQO-da kópbalaly otbasyny úı kezeginen zańsyz shyǵaryp jibergeni habarlanǵan.
