ShQO-da esirtki óndirýmen aınalysqan eki Latvııa azamatyna sot úkimi kesildi
ÓSKEMEN. KAZINFORM – ShQO qylmystyq ister jónindegi mamandandyrylǵan aýdanaralyq sotynyń úkimimen eki Latvııa azamaty 11 jylǵa bas bostandyǵynan aıyryldy. Bul týraly ShQO prokýratýrasy málim etti.
Buǵan deıin, 2024 jylǵy shildede, oblys prokýratýrasy UQK ShQO boıynsha departamentimen qadaǵalaý organynyń úılestirýimen sıntetıkalyq esirtki óndirýge arnalǵan jasyryn zerthananyń anyqtalǵany týraly habarlaǵan bolatyn.
Eske sala ketsek, tintý barysynda 125 kg mefedron (630 myń bir rettik dozaǵa balamaly), 500 lıtr prekýrsorlar jáne táýligine 30 kg sıntetıkalyq esirtki óndirýge múmkindik beretin jańa býyndy zerthanalyq jabdyq tárkilengen.
Tárkilengen esirtkiniń qara naryqtaǵy quny 3,5 mıllıard teńgeden asady.
Qylmystyq is sotta 3 aı boıy qaraldy. Sot protsesi barysynda aıyptalýshylardyń kinási tolyq dáleldenip, memlekettik aıyptaýshy sottan 11 jyl bas bostandyǵynan aıyrý jazasyn taǵaıyndaýǵa baǵdar berdi.
Sottalǵandar jazasyn ortasha qaýipsizdik deńgeıindegi túzeý mekemesinde óteıdi. Sot úkimi zańdy kúshine engen joq.
Eske sala keeteıik, buǵan deıin Shyǵys Qazaqstanda qos azamattyqpen júrgen 16 adam anyqtalǵanyn jazǵan bolatynbyz.