ShQO-da esirtki tasymalymen aınalysqan 21 jastaǵy qyz 10 jylǵa sottaldy
ShQO-daǵy OV-156/1 mekemesi baspasóz qyzmetiniń málimetine súıensek, esirtki zattaryn ótkizý maqsatynda zańsyz daıyndaý, qaıta óńdeý, satyp alý, saqtaý, tasymaldaý sııaqty qylmys jasaǵan qyzdar temir torǵa az túsip jatqan joq. Máselen, taıaýda osyndaı zańsyz qadamǵa barǵan 21 jastaǵy qyz 10 jylǵa bas bostandyǵynan aıyrylǵan.
«Qazirgi ýaqytta jastardyń kóbi býkmekerlik kompanııalarda stavkalar qoıady. Jeńiske jetken saıyn, baýraı bastaıdy. Birde úlken aqsha joǵalttym. Bul týraly ata-anama aıtýǵa qoryqtym. Qala kóshelerin kezip júrip, úıdiń qabyrǵasyna jabystyrylǵan habarlandyrýǵa kózim tústi. Onda «kýrer qajet, jumys kestesi aýyspaly, jalaqysy joǵary» dep tur eken. Qýanyp ketip, kórsetilgen nómirge qońyraý shaldym. Alaıda jumystyń nege aparyp soǵaryn bilmegen edim. Túsingenim, sıntetıka esirtkin bir jerden ekinshi jerge aparýym kerek eken. Bar oıym, aqsha taýyp, qaryzymdy japqannan keıin jumystan shyǵý boldy», - deıdi sottalǵan azamatsha.
Esirtki zattaryn salý kezinde ony polıtsııa qyzmetkerleri qolǵa túsirgen. QR QK-niń 297-bap 3-bóligi boıynsha aıyptalýshy 10 jyl merzimge bas bostandyǵynan aıyryldy.
