ShQO-da esirtki shegip alyp kólik tizgindegen 26 jastaǵy jigit ustaldy
ÓSKEMEN. QazAqparat – Shyǵys Qazaqstan oblysynda esirtki qabyldap kólik tizgindegen 26 jastaǵy jigit ustaldy, dep habarlaıdy QazAqparat tilshisi.
ShQO golıtsııa departamenti baspasóz qyzmetiniń málimetine súıensek, tártip saqshylary «Rýbej» statsıonarlyq-baqylaý beketinde «Mitsubishi» markaly avtokólikti toqtatqan.
Qujattardy tekserý kezinde polıtsııa qyzmetkerinde 26 jastaǵy júrgizýshi psıhotroptyq zattardy qabyldap, sonyń áserinde bolýy múmkin degen kúdik týyndady.
«Taǵaıyndalǵan narkologııalyq saraptama nátıjesi Shemonaıha aýdany turǵynynyń esirtki qabyldaǵanyn kórsetti. Atalǵan fakti boıynsha er adamǵa qatysty QR ÁQBtK 608-babynyń 1-bóligine (Júrgizýshiniń kólik quralyn alkogoldik, esirtkilik jáne (nemese) ýytqumarlyq masań kúıde basqarýy) sáıkes ákimshilik hattama toltyryldy», - delingen aqparatta.
26 jastaǵy jigit 15 táýlikke ákimshilik qamaýǵa alynyp, 7 jyl merzimge kólik tizgindeý quqyǵynan aıyrylýy múmkin.
