ShQO-da esirtki saýdasymen aınalysqan 8 adam ustaldy
ShQO Polıtsııa departamenti baspasóz qyzmetiniń málimetine súıensek, tártip saqshylary esirtki saýdasymen aınalysqandardyń jolyn kesti. Belgili bolǵandaı, esirtkiniń zańsyz aınalymyna 8 adam tartylǵan. Olar aldyn ala belgilengen jerlerge esirtkini qoıyp ketip otyrǵan.
«Internet-dúkendi uıymdastyrýshy el aýmaǵynan tys otyryp-aq bárin basqarǵan. Onyń nusqaýy boıynsha er adamdar logıstıkalyq kompanııalar arqyly jetkiziletin «taýardy» alyp, túrli dozalar boıynsha ólshep salyp, keıinnen óńirlerge taratqan. Kóbinese Óskemen jáne Semeı qalalarynyń jastary arasynda satyldy», - delingen aqparatta.
Jedel is-sharalardyń nátıjesinde polıtsııa qyzmetkerleri 8 azamatty túgeldeı ustady. Olardan alynǵan sıntetıkalyq zattardyń jalpy salmaǵy – 1 keli 700 gramnan asty. Bul 5,5 myń dozaǵa teń.
25-40 jas aralyǵyndaǵy kúdiktilerge qatysty QR QK-niń 297-baby 3-bóligine (esirtki quraldaryn, psıhotroptyq zattardy, sol tektesterdi ótkizý maqsatynda zańsyz daıyndaý, qaıta óńdeý, satyp alý, saqtaý, tasymaldaý) sáıkes sotqa deıingi tergeý amaldary júrgizilýde.