ShQO-da esepshi bir jyl boıy bıýdjetten 10 mln teńgeni óz shotyna aýdaryp otyrǵan
ASTANA. KAZINFORM — ShQO Altaı aýdanynyń prokýratýrasy memlekettik mekemede bıýdjet qarajatynyń jymqyrylǵanyn anyqtady.
Altaı aýdanynyń prokýratýrasy bıýdjet qarajatynyń jumsalý zańdylyǵy men tıimdiligine júrgizgen tekserý barysynda «Altaı aýdanynyń sáýlet, qala qurylysy jáne qurylys bólimi» MM-de jymqyrý faktisin anyqtady.
Esepshi bir jyl boıy eki bıýdjettik spetsıfıkatsııa boıynsha óz banktik esepshotyna 10 mln teńge somasyndaǵy aqshalaı qarajatty zańsyz aýdaryp otyrǵany áshkere boldy.
Osy fakt boıynsha aýdan prokýratýrasy QR QK-niń 189-baby 3-bóliginiń 1, 2 tarmaqshalary boıynsha sotqa deıingi tergep-tekserýdi bastady.
— Altaı aýdandyq sotynyń úkimimen kináli tulǵa jergilikti ózin-ózi basqarý organdarynda jáne kvazımemlekettik sektor sýbektilerinde laýazymdardy atqarý quqyǵynan ómir boıyna aıyryla otyryp, 2 jylǵa bas bostandyǵynan aıyryldy. QR QK-niń 74-babynyń 1-bóligi negizinde, jas balasynyń bolýyna baılanysty taǵaıyndalǵan jazany oryndaý keıinge qaldyryldy. Jymqyrylǵan bıýdjet qarajaty memleket kirisine qaıtaryldy, — delingen habarlamada.
Buǵan deıin BQO-da 9 mln teńgeden astam bıýdjet qarajatyn jymqyrǵan esepshi sottalǵanyn jazdyq.
