ShQO-da Ertistiń arnasynan asqan sý tasjoldy basyp qaldy
ASTANA. QazAqparat - Shyǵys Qazaqstanda tasjoldy tasqyn sý basyp qaldy, dep habarlaıdy óńirlik TJD baspasóz qyzmeti.
«9 sáýir kúni Besqaraǵaı aýdanynda Ertis ózenindegi sý deńgeıi kóterilip, oblystyq mańyzy bar «Semeı-Dolon» tasjoly sý astynda qalyp qoıdy. Saldarynan 35 shaqyrym joldy sý basty. Arnasynan asqan sýdyń tereńdigi 10-15 sm, eni 20 m», - delingen habarlamada.
Birlik aýyly sý tasqynyna jaqyn mańda, nebary bir shaqyrym qashyqtyqta ornalasqan. Sý basyp qalý qaýpi joq. Qazirgi tańda ózenniń sýy arnasynan asýyn toqtatty.
TJ ornyna 7 tehnıka men 16 adam jumyldyryldy.
«OblShyǵysJol» aqparaty boıynsha, atalmysh baǵyttaǵy jol barlyq kólik túrleri úshin jabyldy. Aınalma baǵyt «Semeı-Besqaraǵaı-Dolon» tasjoly arqyly júzege asyrylady.
