ShQO-da Ertis ózeninde 4 adam mingen qaıyq aýdaryldy
NUR-SULTAN. QazAqparat – Shyǵys Qazaqstan oblysynda qutqarýshylar Ertis ózeniniń jaǵasynan alys ketken er adamdarǵa kómek kórsetti, dep habarlaıdy QazAqparat ShQO TJD baspasóz qyzmetine silteme jasap.
3 mamyrda saǵat 18:44-te Óskemende Ertis ózeninde serýendeý kezinde motorly qaıyq aýdarylyp tústi. Sýdan 4 er adam shyqty. Olar óz betinshe jaǵaǵa jete almaǵandyqtan qutqarýshylar shaqyryldy. Oqıǵa ornyna jetken ShQO TJD Jedel-qutqarý jasaǵynyń qyzmetkerleri qaıyqpen er adamdardy jaǵaǵa jetkizip, olardy qaraýǵa Apattar medıtsınasy ortalyǵy mamandaryna tapsyrady. Artynsha qutqarýshylar qaıyq ıesine qaıyqty sýdan jaǵaǵa shyǵarýǵa kómek kórsetti. Qutqarylǵandar ózderi turatyn Praporşıkovo aýylyna júzip ketti.
ShQO TJD sý qoımalarynda barlyq erejelerdi ustaný qajettigin eske salady.
«Kez kelgen sýda júzý quralynda qutqarý kúrteshesi bolýy kerek. Ózenge túser aldynda aldyn ala júzetin jolyńyzdy belgilep alyńyz. Qaıyqqa kóp adam otyrǵyzbańyz. Eshqandaı jaǵdaıda spırttik ishimdikter ishpeńiz. Tótenshe jaǵdaı kezinde 112 nómirine habarlasyńyz» delingen eskertpede.
