ShQO-da Ertis ózeni jarylys arqyly muzdardan tazartylýda
ÓSKEMEN. QazAqparat - Shyǵys Qazaqstanda ózenderdegi keptelgen muzdardy joıý jalǵasýda. Búgin Besqaraǵaı aýdany Krıvınka aýylyna jaqyn jerdegi Ertis ózeninde profılaktıkalyq jarylý jumystary júrgizildi, dep habarlaıdy «QazAqparat» HAA tilshisi TJ departamentine silteme jasap.
Sýdyń kóterilý deńgeıin seıiltý úshin 600 kg jarylǵysh zattar qoldanyldy. Shyǵys óńirlik aeroutqyr jedel qutqarý jasaǵynyń qutqarýshylar toby qaýipsizdikti qamtamasyz etti.
Kelesi profılaktıkalyq jumystar aǵysty tómen boılap, Semııarka aýylynan 5 shaqyrym qashyqtyqta júrgiziledi. Búginde ShQO TJD garnızonynyń qyzmetkerleri bar kúsh-jigerin sala otyryp, sý tasqynymen kúresýde.
«Óńirdegi jaǵdaı birqalypty», - dep atap ótti TJD.
«ShQO TJD jedel shtaby táýlik boıy úzilissiz jaǵdaıdy óz baqylaýynda ustaýda».
Oblystaǵy TJ-ny joıý úshin QR ІІM toptyq kúshteri men quraldary qurylyp, jeke jasaqtyń 1000 adamy, 270 tehnıka men júzý quraldary daıyn tur.
Oblystyq rezervte 600 adamǵa deıin syıyp ketetin palatalyq lager bar.
