ShQO-da erteńnen bastap mamandandyrylǵan HQO-lar qaıta ashylady
«Azamattarǵa arnalǵan úkimet» memlekettik korporatsııasy ShQO fılıaly baspasóz qyzmetiniń málimetine súıensek, 12 qańtardan bastap óńir boıynsha avtokólik ıelerine memlekettik qyzmet kórsetetin mamandandyrylǵan HQO-lar jumys isteı bastaıdy. Jumys kestesi – dúısenbi-juma aralyǵynda saǵat 9.00-den 18.00-ge deıin.
«Avtoqyzmetter – suranysqa ıe memlekettik qyzmetterdiń biri. Erteńnen bastap mamandandyrylǵan HQO-lar qaıta iske qosylady. Biz ortalyqtarǵa kelýshiler kóp bolady dep boljap otyrmyz», - delingen aqparatta.
Aıta keteıik, avtokólikti Kaspi jáne Halyk Homebank bank qosymshalary arqyly qaıta resimdeýge bolady. Mamandandyrylǵan HQO ǵımaratyna kirý Ashyq qosymshasy arqyly júzege asyrylady. Epıdemıologııalyq jaǵdaıǵa baılanysty klıentter sanıtarlyq qaýipsizdik erejelerin saqtaýy tıis.
