ShQO-da erteńnen bastap Halyqqa qyzmet kórsetý ortalyqtary ashylady
Vırýstyń taralý qaýpi saqtalýyna baılanysty Óskemen qalasyndaǵy HQO-larda elektrondy formatta qoljetimdi emes «qaǵaz» qyzmetter kórsetiledi. Ortalyqqa barý úshin kezek ýaqytyn 1414 baılanys ortalyǵy nemese egov.kz portalyndaǵy arnaıy servıs arqyly aldyna ala brondaý qajet.
«Juqpaly indetke shaldyǵý qaýpi áli de seıilgen joq. Kezekti aldyn ala brondaý sharalary qaýipsizdikti qamtamasyz etý maqsatynda qabyldandy. Sondaı-aq HQO-ǵa kelgen kezde maska rejımin saqtaý mańyzdy», - deıdi «Azamattarǵa arnalǵan úkimet» ShQO boıynsha fılıalynyń dırektory Azamat Esembýlov.
Onyń aıtýynsha, memlekettik qyzmettiń 80% astamyn egov.kz elektrondyq úkimet portaly, telegramdaǵy eGovKzBot2.0 boty jáne eGovMobile mobıldik qosymshasy arqyly onlaın formatta alýǵa bolady. Jaqynda jańa formatqa aýystyrylǵan jeke jáne zańdy tulǵalarǵa ETsQ berý boıynsha qyzmet tek onlaın túrde kórsetiledi.
Kompıýteri jok azamattar úshin qalalyq kitaphanalardyń ǵımaratynda, barlyǵy 10 jerde ózine-ózi qyzmet kórsetý buryshy ashyldy.
«Degenmen 3 sanattaǵy azamattar, ıaǵnı zeınetkerler, kópbalaly otbasylar jáne múgedekter elektrondyq qyzmetterdi HQO-dan ala alady. Ár front-ofıste olar úshin jeńildik terezesi jumys isteıdi. Olar da ortalyqqa baratyn ýaqytyn aldyn ala brondaýy kerek. Múmkindigi shekteýli azamattar 1414 baılanys ortalyǵyna qońyraý shalyp, HQO qyzmetkerin úıine shaqyrta alady», - deıdi fılıal dırektory.
Aıta ketý kerek, atalǵan ózgerister Óskemen qalasyndaǵy Halyqqa qyzmet kórsetý ortalyqtarynyń jumysyna ǵana qatysty. Aýdan ortalyqtary men aýyldyq jerlerde ornalasqan HQO-lar ózgerissiz jumys isteıtin bolady.