ShQO-da eriktiler sybaılas jemqorlyqqa qarsy kúreske tartylmaq

ÓSKEMEN. QazAqparat - Shyǵys Qazaqstan oblysynda sybaılas jemqorlyqqa qarsy kúreske eriktiler tartylady, dep habarlaıdy QazAqparat.

Búgin Óskemendegi QR Sybaılas jemqorlyqqa qarsy is-qımyl agenttigi Shyǵys Qazaqstan oblysy boıynsha departamentiniń servıstik «ANTIKOR ORTALYGY» ǵımaratynda óńir jastarynyń qatysýymen jıyn ótti. Shara barysynda agenttiktiń preventsııa jáne parasat basqarmasynyń basshysy Renat Nabıev «Jas Otan» jastar qanaty oblystyq fılıalynyń músheleri men S.Amanjolov atyndaǵy ShQMÝ, D.Serikbaev atyndaǵy ShQMTÝ jáne QAEÝ stýdent-eriktilerin sybaılas jemqorlyqqa qarsy birlese áreket etýge shaqyrdy.

«Jastar ózderin mazalap júrgen suraqtarǵa jaýap alyp, usynys-tilekterin bildirdi. Eriktiler jemqorlyqqa qarsy qolǵa alynyp jatqan ár bastamaǵa qoldaý tanytty» - dep habarlady ShQO Sybaılas jemqorlyqqa qarsy qyzmeti.