ShQO-da eriktiler 32 myń dana medıtsınalyq maska tikti
ÓSKEMEN. QazAqparat – Shyǵys Qazaqstan oblysy Úrjar aýdanynda eriktiler medıtsınalyq maska tigýde, dep habarlaıdy QazAqparat.
«Aýdandaǵy eriktiler, kópbalaly analar men memlekettik mekeme qyzmetkerleri birlesip 32 myń dana medıtsınalyq maska jasady. Bul ıgi is aldaǵy ýaqytta da jalǵasyn tappaq. Maskalar az qamtylǵan januıalarǵa, zeınetkerlerge tegin taratylady», - deıdi aýdan ákimi Nurjan Toqseıtov.
Onyń aıtýynsha, óńirdegi qoǵamdyq oryndarda jáne saýda nysandarynda turaqty túrde dezınfektsııalaý jumystary júrgizilýde.
Esterińizge sala ketsek, osyǵan deıin úrjarlyq kópbalaly analardyń kúnine myń dana maska tigip, tegin taratyp jatqanyn habarlanǵanbyz.
