ShQO-da er adamnyń balasyna alıment boıynsha qaryzy 10 mln teńgeden asyp ketken
ÓSKEMEN. KAZINFORM — Shyǵys Qazaqstan oblysynda er adamnyń balasyna alıment boıynsha qaryzy 10 mln teńgeden asyp ketken.
ShQO polıtsııa departamenti baspasóz qyzmetiniń málimetine súıensek, Óskemen qalasynda polıtseıler alıment tólemeıtinderdi izdestirý jumystary barysynda 2011 jyldan beri kámeletke tolmaǵan balasyna alıment tólemegen 40 jastaǵy er adamdy anyqtaǵan. Qaryz somasy 10 mıllıon teńgeden asyp ketken.
«Kóshi-qon qyzmetine habarlasqan jeke sot oryndaýshysynyń qaýlysymen alıment óndirýshige sot sheshimin oryndamaǵany úshin izdestirý jarııalanǵan. Tártip saqshylary boryshkerdiń qaıda ekenin anyqtady. Endi jaqyn arada sot oryndaýshylary qaryzdy óndirip alýmen aınalysady», — delingen aqparatta.
Osy jyldyń basynan bastap Shyǵys Qazaqstan oblysynyń polıtseıleri balasyna alıment tólemeı júrgen 35 adamdy anyqtady.
Eske salsaq, osyǵan deıin alıment tólemegen BQO turǵyny sottalǵany habarlanǵan.
