ShQO-da er adam janyp jatqan úıge qujattaryn alýǵa kirip, kúıip qaldy
ÓSKEMEN. QazAqparat - Shyǵys Qazaqstan oblysynda er adam janyp jatqan úıge qujattaryn alý úshin qaıta kelip, kúıip qaldy, dep habarlaıdy «QazAqparat» HAA tilshisi ShQO TJD baspasóz qyzmetine silteme jasap.
«Búgin túnde Zyrıanov aýdany Zýbovsk kentinde órt shyqty. 58 jastaǵy er adam dálizdiń janyp jatqanyn baıqap, úıden shyǵyp ketken. Biraq, keıin úıde qujattary men baǵaly zattarynyń qalyp qoıǵany esine túsip, ishke kiredi. Janyp jatqan dálizden ótkende onyń beti, qoly men aıaǵy kúıip qalǵan», - delingen habarlamada. 
Órttiń shyqqanyn baıqaǵan kórshileri órt sóndirýshilerdi shaqyrǵan. Olar órt shyqqan orynǵa 20 mınýtta jetken. 
«Biz kelgenge deıin zardap shegýshi kórshilerinen qalalyq aýrýhanaǵa jetkizýdi suraǵan. Tilsiz jaýdy aýyzdyqtaýǵa 50 mınýt qajet bolǵan. Eki órt sóndirý mashınasy men jeke quramnyń 5 adamy jumys istedi. Órttiń jalpy aýmaǵy 120 sharshy metrdi quraıdy», - dedi №3 órt sóndirý bóliminiń basshysy Erjan Ómirbaev.
