ShQO-da er adam tanysyna óshigip, onyń úıin órtep jibergen
ÓSKEMEN. QazAqparat – Shyǵys Qazaqstan oblysy Altaı aýdanynda burynǵy áriptesiniń úıin órtep jibergen er adam ustaldy, dep habarlaıdy QazAqparat tilshisi.
ShQO Polıtsııa departamenti baspasóz qyzmetiniń málimetine súıensek, Altaı aýdanynda tártip saqshylaryna Zavodskaıa kóshesindegi úıge qasaqana órt qoıylǵandyǵy týraly habar tústi.
58 jastaǵy úı ıesiniń aıtýynsha, osynyń saldarynan keltirilgen materıaldyq zalaldyń mólsheri 5 000 000 teńgeni quraǵan.
«Jedel-izdestirý is-sharalaryn júrgizgen polıtsııa qyzmetkerleri kúdiktiniń kim ekenin anyqtap, ony dereý ustady. 58 jastaǵy aýdan turǵyny ýaqytsha ustaý ızolıatoryna qamaýǵa alyndy. Tergeý barysynda belgili bolǵandaı, ol jábirlenýshimen birge kezinde bir kompanııada jumys istegen. Sol kezde aralarynda kıkiljiń shyqqan», - delingen aqparatta.
Sondaı-aq er adamnyń buǵan deıin dál osy úıden 50 000 teńgeniń azyq-túligin urlap ketkeni anyqtaldy. Atalǵan faktiler boıynsha QR QK-niń 202-baby 1 - bóligine (Bótenniń múlkin qasaqana joıý nemese búldirý) jáne 188-baby 3-bóligine (urlyq) sáıkes sotqa deıingi tergeý amaldary bastaldy.
Esterińizge sala ketsek, osyǵan deıin alaıaq jumysqa turǵyzyp berem dep Semeı turǵynynan 3,4 mln teńge alǵanyn habarlaǵan edik.
