ShQO-da er adam óz úıinde janyp ketti
ÓSKEMEN. QazAqparat - Jarma aýdanynda tutanǵan órt saldarynan 1954 jylǵy er adam qaıtys boldy, dep habarlaıdy QazAqparat tilshisi.
Oblystyq tótenshe jaǵdaılar departamentiniń baspasóz qyzmetiniń habarlaýynsha, órt keshe túnde shyqqan. Saldarynan Qalbataý aýylynyń Aqtamberdi jyraý kóshesindegi jer úıden er adamnyń kúıik shalǵan múrdesi tabylǵan.
«Tótenshe oqıǵa týraly marqumnyń kórshileri habarlaǵan. Órt sóndirýshiler jetkende úıdiń eki bólmesi túgeldeı janyp ketti. Ashanadan gaz ballonyn baıqaǵan tótenshelikter jarylystyń aldyn alyp, ony qaýipsiz jerge shyǵaryp úlgerdi. Oqıǵa ornynan er adamnyń kúıik shalǵan múrdesin tabyldy», - delingen departament taratqan habarlamada.
Qyzyl jalyn 35 sharshy metr aýmaqty qamtyǵan. Qaıǵyly oqıǵaǵa úı ıesiniń mas kúıde shylym sheýi túrtki bolýy múmkin degen boljam bar. Órt sóndirýge 15 adam men 3 arnaıy tehnıka qatysqan.
