ShQO-da er adam órtengen úıden 4 balany qutqaryp qaldy
ÓSKEMEN. KAZINFORM – Shyǵys Qazaqstan oblysy Zaısan aýdanynda er adam otqa oranǵan úıden 4 bala men qart áıeldi aman alyp shyqty.
Oqıǵa Zaısan aýdany Aınabulaq aýylynda bolǵan. Shaızadanov kóshesindegi jer úıde órt shyqqan.
Oqıǵa ornyna №25 órt sóndirý bóliminiń qyzmetkerleri kelip jetkende deıin úı ıeleriniń kórshisi Talǵat Músirat kómekke umtyldy. Ol tereze arqyly úıge kirip, 68 jastaǵy ájeni jáne 7, 5, 4 jáne 1 jastaǵy tórt balany syrtqa alyp shyqty. Osylaısha, 5 adamdy órtten qutqaryp qaldy.
- Kóp uzamaı órt sóndirýshiler 30 sharshy metr aýmaqtaǵy qyzyl jalyndy tolyqtaı aýyzdyqtady. Zardap shekken eshkim joq. Aldyn ala derek boıynsha órttiń shyǵý sebebi - elektr jabdyqtaryn montajdaý jáne paıdalaný kezindegi qaýipsizdik talaptaryn saqtamaý, - dep habarlady ShQO Tótenshe jaǵdaılar departamentiniń baspasóz qyzmetinen.
Eske salsaq, buǵan deıin Astanada tehnıkalyq stantsııa órtenip, ıesin kúıik shalǵany habarlanǵan.