ShQO-da er adam baýyrsaq ishine esirtki salyp túrmege kirgizbek bolǵan

ÓSKEMEN. QazAqparat – Shyǵys Qazaqstan oblysynda er adam baýyrsaq ishine esirtki salyp túrmege kirgizbek bolǵan, dep habarlaıdy QazAqparat tilshisi.

ShQO boıynsha QAJ departamenti baspasóz qyzmetiniń málimetine súıensek, 38 jastaǵy azamat baýyrsaq ishine esirtki salyp Óskemendegi túzetý mekemesine kirgizbek bolǵan.

Qala turǵynynyń túrmege ákelgen sálemdemesinde úsh keli baýyrsaq boldy. Tekserý kezinde jeti baýyrsaqtyń ishinen ótkir ıisi bar jasyl tústi zattar tabyldy. Saraptama onyń keptirilgen marıhýana ekenin kórsetti. Bul sálemdemeniń tonaý jasaǵany úshin tergeýge alynyp, apellıatsııalyq sottyń sheshimin kútip otyrǵan adamǵa arnalǵandyǵy anyqtaldy.

«Tergeýdegi jáne sottalǵan adamdarmen júrgizilip jatqan profılaktıkalyq jumystarǵa qaramastan, olardyń týystary tyıym salynǵan zattardy túzetý mekemelerine kirgizýge tyrysady. Qyzmetkerlerdiń qyraǵylyǵynyń arqasynda mundaı zańsyzdyqtyń joly kesilýde. Atalǵan fakti boıynsha qazirgi ýaqytta qyzmettik tergeý júrgizilip jatyr», – deıdi OV73 mekemesiniń bastyǵy Tileýbergen Kónekbaev.