ShQO-da engizilgen úshtildi bilim berý Kembrıdj júıesine negizdelip otyr
ÓSKEMEN. QazAqparat - Shyǵys Qazaqstan oblysynda úshtildi bilim berýdiń úshjyldyq jospary iske asyrylýda. Oǵan 2 mlrd teńgeden astam qarjy kózdeldi.
Bul rette qazaqstandyq jáne sheteldik tiltanýshylardy tarta otyryp, Kembrıdj júıesi negizinde bilim berýdiń zamanaýı ádistemesi engiziledi, dep habarlady «QazAqparat» HAA tilshisi.
«Bilim berý úderisi tıisti deńgeıde ótýi úshin mektepter jańa oqýlyqtarmen qamtamasyz etildi. Úsh myńnan astam tiltanýshy pedagog kásibı quzyreti deńgeıin arttyrdy, bıyl taǵy 2,5 myń ustaz biliktiligin arttyrý kýrsynan ótedi», - dep habarlady oblys ákimdiginiń baspasóz qyzmetinen.
Óńir basshysy Danıal Ahmetov atap ótkendeı, jastardyń básekege qabilettiligi kóbinese tilderdi bilýimen aıqyndalady. Bilim berý júıesin jetildirý oblys basshylyǵynyń jan-jaqty qoldaýymen jalǵasatyn bolady.
