ShQO-da eń kóp aqsha jymqyrylǵan memlekettik baǵdarlamalar ataldy

ÓSKEMEN. QazAqparat - Shyǵys Qazaqstan oblysy boıynsha Memlekettik kiris departamentiniń Ekonomıkalyq tergeý qyzmeti jol kartasynyń baǵdarlamalary boıynsha memlekettik baǵdarlamalardy iske asyrýǵa bólingen bıýdjet qarajattarynyń eń kóp jymqyrylǵanyn anyqtady, dep habarlaıdy QazAqparat tilshisi.

ShQO MKD ETQ habarlaǵandaı, jyl basynan tirkelgen 94 qylmystyń 19-y «Halyqty jumyspen qamtý 2020 jol kartasy», 4-ýi - «Kásipker» baǵdarlamasyna tıesili bolsa, «Agrobıznes-2020» jáne «Balapan» baǵdarlamasyna ekeýden, «Qazaqstan Respýblıkasyndaǵy agroónerkásiptik keshendi damytý», «Nurly jol», «Turǵyn úı-kommýnaldyq sharýashylyǵyn jańǵyrtý» baǵdarlamalaryna bir-bir isten anyqtalǵan. Sonymen qatar, bilim berý salasynda 9, áleýmettik salada - 9, densaýlyq saqtaý salasynda 1 is tirkelgen.

Sot qurylys-ekonomıkalyq saraptama aktileriniń negizinde, 27 mln teńge zalal keltirilgeni anyqtalyp, tergeý barysynda olardyń barlyǵy tolyqtaı óteldi.

«Halyqty jumyspen qamtý 2020 jol kartasy» baǵdarlamasy boıynsha úsh jyl boıy bıýdjet qarjysyn jymqyrǵan jeke kásipker qazynaǵa 11 mln teńge qaıtarǵan. JK ıesi Jumyspen qamtý ortalyǵynda jumys berýshi retinde tirkelip, 36 adamdy jalǵan jumysqa qabyldaǵan.