ShQO-da en dalada joǵalyp ketken eki adam tabyldy
ÓSKEMEN. QazAqparat – Shyǵys Qazaqstan oblysynda qutqarýshylar en dalada joǵalyp ketken eki adamdy tapty, dep habarlaıdy QazAqparat tilshisi.
ShQO Tótenshe jaǵdaılar departamenti baspasóz qyzmetiniń málimetine súıensek, 13 qańtarda Katonqaraǵaı aýdanynda 1982 jáne 1988 jylǵy eki er adam Novo-Haırýzovka aýylynan Alybaı aýylyna qaraı «VAZ 2114» kóligimen jolǵa shyqqan. Alaıda jol-jónekeı kólik qarǵa batyp qaldy.
Olardy shuǵyl izdestirýge kirisken «№27 órt sóndirý bóliminiń qyzmetkerleri men polıtseıler saǵat 21.30-da Novo-Haırýzovka men Alybaı aýyldary arasyndaǵy tasjoldan 15 shaqyrymdaı jerden tapty. Alǵashqy medıtsınalyq kómek kórsetý úshin er adamdar ortalyq aýdandyq aýrýhanaǵa jetkizilgen. Azamattardyń aıtýynsha, kólik ishinde tońyp qalmas úshin olar qaǵaz jaǵyp otyrǵan», - dep habarlady vedomstvo ókilderi.
Osy rette, TJD turǵyndarǵa alys saparǵa shyǵar aldynda joldardyń jaı-kúıin «Dármen» mobıldi qosymshasy arqyly tekserip otyrýǵa keńes beredi.
