ShQO-da ekologııalyq tekserýden soń 12 aýyldyq okrýg ákimi jazalandy
ÓSKEMEN. KAZINFORM – Shyǵys Qazaqstan oblysy Glýbokoe aýdanynda 15 ruqsat etilmegen qoqys orny anyqtalyp, baqylaýdy bosańsytqan 12 aýyldyq okrýg ákimi ákimshilik jaýaptylyqqa tartyldy, dep habarlaıdy Shyǵys Qazaqstan oblysynyń prokýratýrasy.
Tekserý «Taza Qazaqstan» respýblıkalyq ekologııalyq aktsııasyn iske asyrý sheńberinde júrgizildi. Prokýratýra organdary zań buzýshylyqtardy spýtnıktik sýretterdi taldaý jáne aýdan aýmaǵyn kózben sholyp tekserý nátıjesinde tapty.
Abattandyrý qaǵıdalaryn buzǵany úshin polıtsııa qyzmetkerleri 177 azamatty ákimshilik jaýapqa tartty. Sonymen qatar tıisti baqylaýdy júzege asyrmaǵan 12 aýyldyq okrýgtiń ákimine de ákimshilik aıyppul salyndy. Salynǵan aıyppuldar tolyq kólemde óndirildi.
Aýdan prokýratýrasy turǵyndarǵa tazalyq pen tártipti saqtaý, qorshaǵan ortaǵa uqypty qaraý qajettigin eskertedi. Bul baǵyttaǵy jumystar jalǵasyp jatyr jáne qadaǵalaýshy organnyń baqylaýynda tur.
Osyǵan deıin ShQO-da ekologııa zańnamasyn buzǵan kásiporynǵa 100 mln teńgeden astam aıyppul salynǵany týraly jazdyq.
