ShQO-da ekologııalyq talaptardy saqtamaǵan Kaztsınk 1,7 mlrd teńgeden astam aıyppul tóledi

ÓSKEMEN. KAZINFORM — Shyǵys Qazaqstan oblysynda 2025 jyldyń birinshi jartyjyldyǵynda ekologtar 86 zań buzýdy tirkedi. 

Tekserister iri jáne shaǵyn kásiporyndarǵa júrgizilgen. Jalpy salynǵan aıyppuldardyń kólemi 2 mlrd teńgeden asyp otyr. Bul týraly ShQO Ekologııa departamenti basshysynyń mindetin atqarýshy Áset Súleımenov óńirlik kommýnıkatsııalar qyzmetinde ótken brıfıngte málimdedi.

Jarty jyldyń ishinde 33 tekseris júrgizilgen. Eń iri aıyppuldar óńirdiń jetekshi kásiporyndaryna salyndy. Atap aıtqanda:

* «Kaztsınk» JShS — 1,7 mlrd teńgeden astam jáne qosymsha 60,9 mln teńge aıyppul (tolyǵymen tólendi);
* «SınSın» JShS — 1,066 mlrd teńge;
* «TMK» AQ — 24 mln teńge;
* «Óskemen JEO» JShS — 26,9 mln teńge.

— Tekseris qorytyndylary kórsetkendeı, zańbuzýshylyqtar shaǵyn bıznes nysandarynda da, iri ónerkásip oryndarynda da tirkelgen. Árbir fakti boıynsha nusqama berilip, tıisti sharalar qabyldandy, — dedi Áset Súleımenov.

Eske salsaq, osyǵan deıin Shardaradaǵy ekologııalyq jaǵdaıǵa baılanysty turǵyndarmen kezdesý ótkeni habarlanǵan.