ShQO-da ekologııalyq talaptardy buzǵan shoshqa fermasy jaýapqa tartyldy

ÓSKEMEN. KAZINFORM – Shyǵys Qazaqstan oblysynda shoshqa ósirýmen aınalysatyn «VK-Bekon» JShS-ǵa qatysty tekserý júrgizildi.

ShQO Ekologııa departamentiniń málimetine súıensek, azamattardyń ótinishinen keıin mamandar shoshqa fermasynda ekologııalyq zańnama talaptarynyń qanshalyqty saqtalatynyn anyqtaý úshin jospardan tys tekserý júrgizdi.

– «VK-Bekon» JShS shamamen 8 myń bas shoshqany ósirý, ustaý jáne kóbeıtý baǵytynda jumys isteıdi. Tekserý barysynda birqatar zańbuzýshylyq anyqtaldy. Atap aıtqanda, jobada kózdelgen qaldyqtardy sýsyzdandyrýǵa arnalǵan qurylystardyń bolmaýy, aǵyndy sýlardy ruqsatsyz tógý faktileri jáne qaldyqtardy jabdyqtalmaǵan alańdarǵa jınaý jaǵdaılary tirkeldi, - delingen aqparatta.

Sonyń nátıjesi boıynsha ekologııalyq zańnamany buzǵan kásiporyn QR ÁQBtK-niń 332, 344, 325, 327-1 jáne 328 baptary boıynsha ákimshilik jaýapkershilikke tartyldy. Materıaldar ary qaraı qaraý úshin Óskemen qalasynyń ákimshilik sotyna joldandy.

Eske salsaq, osyǵan deıin ShQO-da ekologııalyq talaptardy buzǵan asfalt zaýytynyń jumysy toqtatylýy múmkin ekeni habarlanǵan.