ShQO-da ekologııaǵa monıtorıng júrgizý úshin jańa datchıkter ornatylmaq
ÓSKEMEN. KAZINFORM – Shyǵys Qazaqstan oblysynda aýa sapasyn baqylaý úshin 2025 jyly jańa datchıkter alynbaq.
Bul týraly ShQO Tabıǵı resýrstar jáne tabıǵat paıdalanýdy retteý basqarmasy basshysynyń orynbasary Elaman Muhtarhanov aıtyp berdi.
- Búginde óńir boıynsha ekologııa jaǵdaıyna monıtorıng júrgizý úshin «Qazgıdromet» RMK-nyń 10 beketi jumys istep tur. Ondaǵy derekter avtomatty formatta baqylanady. Jurt árbir aqparatty ınternet arqyly kórip otyra alady. Alaıda aýa sapasyn baqylaýdy kúsheıtý úshin kelesi jyly qosymsha datchıkter ornatý josparlanyp otyr, - dedi ol.
Sondaı-aq ekologııa jaǵdaıyn jaqsartý úshin oblysta jasyl ekonomıkaǵa kóshý tujyrymdamasy aıasynda birqatar shara qolǵa alynbaq.
- Atap aıtqanda, qatty turmystyq qaldyqtardy óńdeıtin zaýyt salý kózdelgen. Búginde jalpy osy baǵyt boıynsha Ekologııa jáne tabıǵı resýrstar mınıstrligine 7 joba jiberildi, - dedi Elaman Muhtarhanov.
Eske salsaq, qarasha aıynan beri Óskemende halyq tunshyǵyp, al sarapshylar aýa sapasynyń monıtorıngi sylbyr júrgiziletinin synaǵan bolatyn.