ShQO-da ekologııa zańnamasyn buzǵan kásiporynǵa 100 mln teńgeden astam aıyppul salyndy
ÓSKEMEN. KAZINFORM - Shyǵys Qazaqstan oblysynyń mamandandyrylǵan tabıǵat qorǵaý prokýratýrasy ekologııa zańnamasyn buzǵan kásiporynǵa 100 mln teńgeden astam aıyppul saldy.
ShQO prokýratýrasy baspasóz qyzmetiniń málimetinshe, tekserý barysynda Glýbokoe aýdanyndaǵy «ıÝbıleıno-Snegırıhınskoe» ken ornynda jer qoınaýyn paıdalaný saldarlaryn joıý boıynsha «Shyǵystústimet» JShS-niń uzaq ýaqyt boıy áreketsizdigi anyqtaldy.
- Prokýrorlyq qadaǵalaý aktisi boıynsha ShQO boıynsha Ekologııa departamenti kásiporynǵa jospardan tys tekserý júrgizdi. Nátıjesinde kásiporynnyń QR ÁQBtK-niń 328-babynyń 1-bóligi boıynsha (Qorshaǵan ortaǵa shyǵaryndylardyń tehnologııalyq normatıvterin asyrý) ákimshilik jaýapkershilikke tartylyp, 100 mln teńgeden astam aıyppul salyndy, - delingen aqparatta.
Sondaı-aq kásiporynǵa jer qoınaýyn paıdalaný saldarlaryn joıý jáne tabıǵat qorǵaý sharalarynyń oryndalýyn júıeli baqylaýdy qamtamasyz etý týraly uıǵarym berildi.
Eske salsaq, osyǵan deıin Almatyda 2040 jylǵa deıin ekologııaǵa áser etetin 276 kásiporyn qaladan shyǵarylatyny habarlanǵan.
