ShQO-da ekinshi aýysymdaǵy oqýshylar mektepte barmaıdy

ÓSKEMEN. QazAqparat – Shyǵys Qazaqstan oblysyndaǵy birneshe aýdanda kóktaıǵaqqa baılanysty 2-aýysymdaǵy oqýshylar onlaın oqıdy, dep habarlaıdy QazAqparat tilshisi.

ShQO Tótenshe jaǵdaılar departamenti baspasóz qyzmetiniń málimetine súıensek, 26 qarashada aýa raıynyń nasharlaýyna, naqty aıtqanda kóktaıǵaqqa baılanysty keıbir aýdandarda ekinshi aýysymdaǵy oqýshylar onlaın formatta oqıtyn boldy.

«Ulan aýdanynda, Glýbokoe aýdany Beloýsovka kentinde jáne Kúrshim aýdanynda 0-9 synyptar mektepke barmaıdy. Al tańerteń Besqaraǵaı aýdanynyń ortalyǵynda, Glýbokoe, Kókpekti, Ulan aýdandary men Shemonaıha aýdanynyń Prýggerovo jáne Sýgatovka aýyldarynda 0-11 synyptar qashyqtan bilim alǵan bolatyn», - dep habarlady vedomstvo ókilderi.

Esterińizge sala ketsek, keshe ShQO-daǵy birqatar aýdanda kóktaıǵaqqa baılanysty 2-aýysymdaǵy oqýshylar onlaın oqyǵan bolatyn.