ShQO-da ekinshi aýysym oqýshylary mektepke barmaıdy
ÓSKEMEN. QazAqparat – Shyǵys Qazaqstan oblysynda ekinshi aýysym oqýshylary úshin sabaq bolmaıdy, dep habarlaıdy QazAqparat tilshisi.
ShQO Bilim basqarmasy baspasóz qyzmetiniń málimetine súıensek, 1 naýryzda óńirde qatty jel soǵyp, birqatar aýdan, qalada ekinshi aýysym oqýshylary úshin sabaq ótkizilmeıdi.
«Atap aıtqanda, Semeı qalasynda jel jyldamdyǵy 12 metrge jetkendikten ekinshi aýysymdaǵy 0-4 synyp oqýshylaryna sabaq bolmaıdy. Sondaı-aq Ulan (jel jyldamdyǵy sekýndyna 10-15), Jarma (jel jyldamdyǵy sekýndyna 15-20 metr) jáne Besqaraǵaı aýdandarynda (jel jyldamdyǵy sekýndyna 10 metr) da 0-4 synyp oqýshylary mektepke barmaıdy», - delingen habarlamada.
Esterińizge sala ketsek, osyǵan deıin Shyǵys Qazaqstanda birqatar joldyń jabylǵandyǵy habarlanǵan bolatyn.
