ShQO-da eki temir jol stansasynda jolaýshylardy otyrǵyzýǵa jáne túsirýge tyıym salyndy

ÓSKEMEN. QazAqparat - Óskemen jáne Novo-Óskemen stantsııalarynda №351/352 «Almaty-Óskemen» poıyzynyń jolaýshylaryn otyrǵyzýǵa jáne túsirýge ýaqytsha tyıym salyndy, dep habarlaıdy QazAqparat.

Bul jaıynda «Jolaýshylar tasymaly» AQ baspasóz qyzmeti málimet taratty.

Oǵan sáıkes, QR Indýstrııa jáne ınfraqurylymdyq damý mınıstrliginiń jáne Shyǵys Qazaqstan oblysy jolaýshylar kóligi jáne avtomobıl joldary basqarmasynyń hatyna sáıkes ShQO boıynsha koronavırýstyń taralýyna jol bermes úshin 13 mamyr saǵat 00.00-den bastap bılet satýǵa, Óskemen jáne Novo-Óskemen stansalary boıynsha «Almaty-Óskemen» baǵytyndaǵy №351/352 jolaýshylar poıyzyna jolaýshylardy otyrǵyzyp, túsirýge ýaqytsha tyıym salynǵan.

Jolaýshylar temir jol bıletin jáne tasymaldaý qaǵıdalarynda belgilengen merzimde temir jol kóligimen jolaýshylardy, bagajdy, júk-bagajdy jáne poshta jóneltilimderin aqsha qarajatyn ustamaı, tolyq kólemde qaıtara alady.

Jolaýshy poıyzdarynyń júrý tártibi týraly barlyq aqparatty «105» anyqtama nómiri arqyly bilýge bolady.

«Ulttyq tasymaldaýshy jolaýshylardan engiziletin shekteýlerge túsinistikpen qarap, koronavırýstyq indettiń taralýy kezeńinde qaýipsizdik sharalaryn saqtaýdy suraıdy» delingen habarlamada.