ShQO-da eki kúnde jasandy jolmen 11 myń tekshe metr qar túsirildi

ÓSKEMEN. QazAqparat – Shyǵys Qazaqstan oblysynda eki kúnde jasandy jolmen 11 myń tekshe metr qar túsirildi, dep habarlaıdy QazAqparat tilshisi.

ShQO tótenshe jaǵdaılar departamenti baspasóz qyzmetiniń málimetine súıensek, kúnniń kúrt jylynýyna oraı óńirdiń taýly jerlerinde qar kóshkini júrý qaýpi artqan.

Osyǵan oraı sońǵy eki kúnde birneshe ret jasandy jolmen qar túsirildi.

«Qazseldenqorǵaý» ShQ fılıalynyń qyzmetkerleri «Sogornoe-Barlyq» jáne «Óskemen-Samar» tasjoldarynyń boıynda profılaktıkalyq kóshkin túsirý jumystaryn júrgizdi. Sonyń nátıjesinde, bul ýchaskelerde barlyǵy 11 320 tekshe metr qar túsken. Aldaǵy ýaqytta osy maqsattaǵy jumystar jalǵasy beredi», - dep habarlady vedomstvo ókilderi.

Aıta keteıik, qys mezgili bastalǵaly beri oblys boıynsha 76 ret jasandy jolmen qar kóshkini túsirilgen.