ShQO-da eki kúnde izdeýde júrgen 9 qylmysker ustaldy
ShQO Polıtsııa departamenti baspasóz qyzmetiniń málimetine súıensek, óńirde 27 sáýirden bastap «Quqyq tártibi» jedel aldyn alý sharasy júrgizilýde. Nátıjesinde, mas kúıde kólik tizgindegen 50-ge jýyq júrgizýshi jaýapqa tartyldy.
«Sondaı-aq 43 qylmys ashylyp, izdeýde júrgen 9 qylmysker ustaldy. Tórt myńnan astam ákimshilik quqyq buzýshylyq anyqtaldy. Onyń ishinde 458-si usaq buzaqylyq, 676-y qoǵamdyq oryndarda ishimdik ishý jáne mas kúıde bolý, 643-i úıde tirkeýsiz jáne jeke kýáliksiz turý faktileri», - dedi departament bastyǵy Saǵat Mádıev.
Shara barysynda úsh myńnan astam esepte turǵan adam turǵylyqty jerleri boıynsha tekserilgen. Budan bólek, 8 esirtki zattaryn saqtaý faktisi anyqtalyp, 60 gramǵa jýyq esirtki tárkilendi. Zańsyz aınalymnan 14 birlik qarý alyndy.