ShQO-da eki kúnde 500-den astam avtobýs júrgizýshisi jol erejesin buzǵan
ÓSKEMEN. QazAqparat – Shyǵys Qazaqstan oblysynda «Avtobýs» jedel aldyn alý sharasynyń eki kúninde 533 ákimshilik quqyq buzýshylyq anyqtaldy, dep habarlaıdy QazAqparat tilshisi.
Onyń ishinde mindetti tehnıkalyq baqylaýdan ótpegeni úshin - 6 júrgizýshi, kólik tizgindep otyryp telefon paıdalanǵan - 86, manevr jasaý erejelerin buzǵany úshin - 88, jolaýshylardy saqtandyrýsyz tasymaldaǵany úshin - 10 jáne jyldamdyqty asyrǵany úshin 19 júrgizýshi ákimshilik jaýapkershilikke tartylǵan.
«21 qańtar kúni «Omby-Maıqapshaǵaı» tasjolynda polıtseıler bekitilgen jyldamdyqty asyrǵany úshin Yotong avtobýsynyń 30 jastaǵy júrgizýshisin toqtatty. Oǵan qatysty QR ÁQBtK-niń 592-baby 1-bóligi boıynsha hattama toltyrylǵan», - dep habarlady ShQO Polıtsııa departamentiniń baspasóz qyzmeti.
Esterińizge sala ketsek, osyǵan deıin Semeıde avtobýs júrgizýshisiniń esirtki qabyldap rýlge otyrǵany jaıly habarlaǵan bolatynbyz.
Óńirde «Avtobýs» jedel aldyn alý sharasy 20-22 qańtar aralyǵynda júrgizilýde.
