ShQO-da eki kúnde 5 adam sýǵa ketti
ÓSKEMEN. QazAqparat – Shyǵys Qazaqstan oblysynda ótken demalys kúnderi 5 adam sýǵa ketip, kóz jumdy, dep habarlaıdy QazAqparat tilshisi.
Qaıǵyly oqıǵalar Óskemen, Semeı qalalary men Shemonaıha aýdanynda bolǵan. ShQO Tótenshe jaǵdaılar departamentiniń málimetine sensek, sýǵa ketkenderdiń barlyǵy arnaıy jabdyqtalmaǵan orynda shomylǵan.
«Shemonaıha aýdanynda Úbe ózeninen 41 jáne 20 jastaǵy er adamdardyń denesi tabyldy. Ekeýi eki bólek jerde shomylyp júrgen. Bir-birin tanymaǵan da. 41 jastaǵy taǵy bir er adam Óskemende shomylýǵa bolmaıtyny týraly belgi qoıylǵan jasandy toǵanǵa batyp ketken. Súńgýirler onyń denesin 40 mınýt izdedi. Óskemenniń irgesindegi Menovnoe kentinde 49 jastaǵy er adamnyń denesin súńgýirler bir saǵat izdedi. Ol da jabdyqtalmaǵan jerde shomylǵan. Semeı qalasynda 32 jastaǵy jigit Berezov kentiniń mańynda sýǵa ketti. Oqıǵaǵa kýá bolǵandardyń aıtýynsha, marqum sýǵa mas kúıde túsken», - delingen departamenttiń baspasóz aqparatynda.
Shomylý maýsymy bastalǵaly oblysta 29 adamnyń ajaly sýdan kelgen.
