ShQO-da eki kún ishinde 20-dan astam mas júrgizýshi anyqtaldy
ÓSKEMEN. QazAqparat – Shyǵys Qazaqstan oblysynda eki kún ishinde 20-dan astam mas júrgizýshi anyqtaldy, dep habarlaıdy QazAqparat tilshisi.
ShQO Polıtsııa departamenti baspasóz qyzmetiniń málimetine súıensek, 18 qarashadan bastap óńirde jol-kólik oqıǵalarynyń jáne jol erejelerin buzýshylyqtyń aldyn alý maqsatynda «Qaýipsiz jol» jedel aldyn alý sharasy ótkizilýde.
«2 kún ishinde 20-dan astam mas júrgizýshi anyqtaldy. Onyń ishinde 5 adam kólik júrgizý quqyǵynan aıyrylsa da rýlge otyrǵan. Sondaı-aq olardyń arasynda qujatsyz júrgender de kezdesti. Mas kúıinde kólik quraldaryn basqaratyndarǵa jaza qataıǵanmen áli de zańǵa baǵynbaıtyndar azaımaı tur», - dep habarlady vedomstvo ókilderi.
Aıta keteıik, oblys boıynsha jedel aldyn alý sharasy aıasynda 2248 ákimshilik quqyqbuzýshylyq tirkelgen.
