ShQO-da eki kólikti aıdap ketken er adam qolǵa tústi
ÓSKEMEN. QazAqparat – Shyǵys Qazaqstan oblysy Glýbokoe aýdanynda 2 kólikti aıdap ketken er adam ustaldy, dep habarlaıdy QazAqparat tilshisi.
ShQO Polıtsııa departamenti baspasóz qyzmetiniń málimetine súıensek, Glýbokoe aýdandyq polıtsııa bólimine júgingen 35 jastaǵy azamat úıiniń aýlasynda turǵan «VAZ» markaly avtokóligin belgisiz bireýdiń aıdap ketkenin jetkizdi. Tártip saqshylary jedel-izdestirý sharalary barysynda avtokólikti tapqanymen qylmyskerdi anyqtaı almaǵan.
«Birneshe kúnnen keıin polıtsııaǵa habarlasqan taǵy bir aýyl turǵyny esigi qulyptalmaǵan «VAZ» kóliginiń urlanǵanyn aıtty. Іzdestirý sharalary barysynda kólik «Glýbokoe-Beloýsovka» tasjolynyń 5 shaqyrymynda tabyldy. Polıtsııa qyzmetkerleri atalǵan derekter boıynsha qylmys jasaǵan adamdy qolǵa túsirý úshin jiti jospar qurdy. Sonyń nátıjesinde, 28 jastaǵy kúdikti ustaldy. Jaýap alý barysynda ol óz kinásin moıyndady», - delingen habarlamada.
Qazirgi ýaqytta er adamǵa qatysty QR QK-niń 200-baby 1-bóligi boıynsha sotqa deıingi tergeý amaldary júrgizilip jatyr.
