ShQO-da eki bala kóz jumdy

ÓSKEMEN. QazAqparat – Shyǵys Qazaqstan oblysynda eki bala kóz jumdy, dep habarlaıdy QazAqparat tilshisi.

Kesheli beri áleýmettik jelide kámelettik jasqa tolmaǵan eki balanyń sýıtsıd jasaǵany jaıly aqparat tarap jatyr. Osyǵan oraı QazAqparat tilshisi ShQO Bilim basqarmasyna habarlasty.

Vedomstvoda eki balanyń kóz jumǵanyn rastady. Alaıda ólim sebebi naqty sýıtsıdten bolǵan-bolmaǵanyn polıtsııa anyqtaıtynyn jetkizdi.

«Stýdent pen 6-synyp oqýshysy kóz jumdy. Oqıǵa sabaq ýaqytynda emes, demalys kúni boldy», - dedi basqarmanyń baspasóz qyzmetinen.

ShQO Polıtsııa departamenti balalar ólimi faktisin rastady. Biraq ózge aqparat ázirge jarııalanýǵa jatpaıtynyn málim etti.