ShQO-da eki aıǵa sozylǵan izdestirýden keıin qutqarýshynyń máıiti tabyldy
ASTANA. QazAqparat - Kúrshim aýdany Qaljyr ózeninde eki aıǵa sozylǵan izdestirý jumystary aıaqtaldy. Búgin túske deıin, Qaljyr ózeninen Shyǵys óńirlik aeromobıl jedel-qutqarý jasaǵynyń qutqarýshylary 9-bólimshedegi óz áriptesteriniń denesin tapty, dep habarlaıdy QazAqparat QR ІІM Tótenshe jaǵdaılar komıtetiniń resmı ókili Rýslan Imanqulovqa silteme jasap.
Eldos Nurpeıisov bıyl jeltoqsan aıynda 30 jasqa tolar edi. 3-synyptyq súńgýir-qutqarýshy barlyq izdeý-qutqarý jumystaryna belsendi qatysyp kelgen. Onyń esimi áriptesteriniń esinde eńbekqor, jaýapty jáne elgezek qyzmetker retinde máńgilik saqtalady.
Eldostyń artynan jubaıy men úsh balasy qaldy.
Eske salaıyq, 14 mamyr kúni Eldos Nurpeıisov sýǵa aǵyp ketken aýyldasyn izdestirip jatqan izdeý-manevrli toptyń quramynda bolǵan. Aǵystyń qatty bolýy saldarynan úrlenetin qaıyǵy aýdarylyp ketken.
Eldos Nurpeıisov týystary men jaqyndaryna Qazaqstan Respýblıkasy ІІM Tótenshe jaǵdaılar komıtetiniń basshylyǵy kóńil aıtty.
Іzdeý-qutqarý jumystary joly qıyn jerlerde júrgizildi. Qatty aǵys, ózen deńgeıiniń joǵarylaýy, sý tasqyny kedergi keltirgen. Júzý qurylǵylarymen jumys júrgizý tek qıyn bolyp qana qoımaı, qaýip te tóndirgen.
