ShQO-da eki aı buryn joǵalyp ketken er adam tabyldy

ÓSKEMEN. QazAqparat – Shyǵys Qazaqstan oblysynda eki aı buryn joǵalyp ketken er adam tabyldy, dep habarlaıdy QazAqparat tilshisi.

ShQO Polıtsııa departamenti baspasóz qyzmetiniń málimetine súıensek, iz-túzsiz joǵalyp ketken 45 jastaǵy azamat Jarma aýdanynan tabyldy.

«Qazir respýblıka boıynsha keń aýqymdy «Ýchaske» jedel aldyn alý sharasy júrgizilýde. Shara barysynda polıtsııa qyzmetkerleri sharýa qojalyqtarynyń birin tekserý kezinde 2 aı boıy izdeýde bolǵan er adamdy tapty», - dep habarlady vedomstvo ókilderi.

Anyqtalǵandaı, telefonyn joǵaltyp alǵan ol ózin týǵan-týystarynyń izdestirip jatqandyǵyn da bilmegen. Qazirgi ýaqytta er adam týystarynyń úıine jetkizildi.