ShQO-da eki apta buryn joǵalǵan áıel tabyldy
ÓSKEMEN. QazAqparat – Shyǵys Qazaqstan oblysynda polıtsııa qyzmetkerleri eki apta buryn joǵalyp ketken áıeldi tapty, dep habarlaıdy QazAqparat tilshisi.
ShQO Polıtsııa departamenti baspasóz qyzmetiniń málimetine súıensek, 4 qańtarda Rıdder qalalyq polıtsııa bólimine habarlasqan turǵyn jeltoqsan aıynyń ortasynda úıden shyqqan 36 jastaǵy qyzynyń sol kúıi habar-osharsyz ketkenin aıtqan. Tártip saqshylary birden ony izdeýge kóshti. Joǵalǵan áıel barýy múmkin jerlerdiń barlyǵyn tekserip, onyń týystarynan jáne tanystarynan surastyrdy.
«Іzdestirý sharalarynyń nátıjesinde Rıdder qalalyq polıtsııa bóliminiń polıtseıleri áıeldi tapty. Ol tanysynyń úıinde qonaqta bolǵan eken. Qazir onyń úıden ne sebepti ketip qalǵany anyqtalýda», - dedi ShQO PD bastyǵy Saǵat Mádıev.
