ShQO-da eki apta buryn iz-túzsiz joǵalǵan qyzdyń máıiti tabyldy
ÓSKEMEN. QazAqparat – Shyǵys Qazaqstan oblysynda iz-túzsiz joǵalǵan qyzdyń máıiti tabyldy, dep habarlaıdy QazAqparat tilshisi.
ShQO polıtsııa departamenti baspasóz qyzmetiniń málimetine súıensek, Óskemen qalasynda turatyn 26 jastaǵy qyz 19 tamyz kúni joǵalyp ketken.
Sol kúni qyzdyń anasy polıtsııaǵa qońyraý shaldy.
Belgili bolǵandaı, ol Mırnyı kentindegi úıinen belgisiz baǵytta shyǵyp ketken.
Tártip saqshylary jedel-izdestirý sharalaryn qolǵa aldy. Alaıda qyzdy dereý tabý múmkin bolmady.
- 3 qyrkúıek kúni joǵalyp ketken qyzdyń denesi Ertis ózeninen tabyldy. Qazirgi ýaqytta birqatar saraptama taǵaıyndalǵan. Sotqa deıingi tergeý amaldary júrgizilip jatyr, - delingen aqparatta.
Eske salsaq, osyǵan deıin Óskemende kópqabatty úıdiń jertólesinen er adamnyń máıiti tabylǵanyn habarlaǵan edik.
