ShQO-da eki meshitte urlyq jasaǵan kúdikti ustaldy

ÓSKEMEN. KAZINFORM — Shyǵys Qazaqstan oblysyndaǵy eki meshitte urlyq jasaǵan kúdikti anyqtaldy, dep habarlaıdy Polisia.kz.      

— «102» arnasyna oblys ortalyǵyndaǵy meshitterdiń birinen quny 400 myń teńge turatyn «Asus» markaly noýtbýginiń joǵalǵany týraly habarlama túsken. Jedel izdestirý is-sharalary barysynda urlyq jasaǵany úshin turǵylyqty jeri joq 37 jastaǵy kúdikti ustaldy, — delingen aqparatta.

Sonymen qatar ol kúdiktiniń basqa bir meshitte jasalǵan osyndaı qylmysqa qatysy bar ekeni anyqtaldy. Ury barlyq jaǵdaıda birdeı tásilmen áreket etken. Tegin tamaq alý syltaýymen meshitke kirip, qyzmettik bólmelerde urlyq jasaǵan. Keıinnen noýtbýkterdiń birin satyp, túsken qarajatty jeke qajettiligine jumsaǵan. Sotqa deıingi tergep-tekserý jalǵasyp jatyr.

Aıta keteıik, ShQO-da 320 mln teńge jymqyrǵan eks-basshylar 7 jylǵa sottaldy.