ShQO-da eki kólik soqtyǵysyp, 1 adam kóz jumdy
Shyǵys Qazaqstan oblysyndaǵy tasjoldardyń birinde jol apatynan 1 adam qaza tapty, dep habarlaıdy Kazinform.
ShQO Polıtsııa departamenti baspasóz qyzmetiniń málimetine súıensek, jol-kólik oqıǵasy 8 qańtarda bolǵan. Respýblıkalyq mańyzy bar «Óskemen-Altaı-Úlken Naryn-Qatonqaraǵaı-Rahman qaınarlary» tasjolynyń 44-shi shaqyrymynda eki kólik soqtyǵysty.
«Lada Granta men Mercedes Sprinter avtokólikteri soqtyǵysty. Jol apaty saldarynan bir jolaýshy sol jerde jantásilim etti. Qazirgi ýaqytta atalǵan fakti boıynsha KR QK-niń 345-baby 3-bóligine sáıkes (Kólik quraldaryn basqaratyn adamdardyń jol júrisi nemese kólik quraldaryn paıdalaný qaǵıdalaryn buzýynyń adam ólimine ákelip soǵýy) sotqa deıingi tergeý amaldary júrgizilip jatyr», - delingen aqparatta.
Birqatar saraptama taǵaıyndalǵan. Sonyń nátıjesinde oqıǵanyń mán-jaıy anyqtalmaq.
