ShQO-da eki balyqshy sýǵa batyp ketti
ÓSKEMEN. KAZINFORM – Shyǵys Qazaqstan oblysy Kúrshim aýdanynda balyq aýlap júrgen eki adam sýǵa batyp ketti.
ShQO tótenshe jaǵdaılar departamenti baspasóz qyzmetiniń málimetine súıensek, oqıǵa Buqtyrma sý qoımasyndaǵy Toranǵy shyǵanaǵynda bolǵan. 31 jáne 38 jastaǵy eki er adam balyq aýlap júrgende qaıyqpen aýdarylyp qalyp, sýǵa batyp ketti.
«Súńgýir-qutqarýshylar izdeý jumystaryna kiristi. Kóp uzamaı balyqshylardyń deneleri tabylyp, sýdan shyǵaryldy. Olarda qutqarý keýdesheleri bolǵan joq», - delingen aqparatta.
Osy rette, qutqarýshylar balyq aýlaý kezinde qaýipsizdik sharalaryn saqtaý qajettigin eske salady. Qaıyqta bolǵan kezde mindetti túrde qutqarý keýdeshelerin kııý kerek.
Eske salsaq, qyrkúıek aıynda ShQO-da jaǵaǵa jete almaı qalǵan 4 balyqshy qutqarylǵany habarlanǵan.
