ShQO-da eki balany zorlady degen kúdik boıynsha burynǵy polıtseı ustaldy

ÓSKEMEN. KAZINFORM — Shyǵys Qazaqstan oblysynda kámelettik jasqa tolmaǵan eki balany zorlaý faktisi boıynsha qylmystyq is qozǵaldy.

Oqıǵa Altaı aýdanynda bolǵan. Kúdikti retinde ustalǵandardyń biri — burynǵy polıtseı bolyp shyqty.

— Atalǵan faktini Shyǵys Qazaqstan oblysy polıtsııa departamentiniń qyzmetkerleri anyqtady. Qazirgi ýaqytta qylmystyq is qozǵalyp, kúdiktiler ýaqytsha ustaý ızolıatoryna qamaldy. Sonymen qatar A.J. ishki ister organdarynan teris sebepter boıynsha qyzmetten bosatyldy. Bolǵan oqıǵanyń barlyq mán-jaıyn anyqtaý maqsatynda keshendi tergeý is-sharalary júrgizilip jatyr, — dep habarlady departamenttiń baspasóz qyzmetinen.

Vedomstvo málimetinshe, ózge aqparattardy zań boıynsha jarııalaýǵa tyıym salynǵan.

Eske salsaq, buǵan deıin Rıdderde áıeli men kúıeýin úıinde óltirip ketkenin jazǵan edik.